Filmi i ri i franshizës së njohur horror “Insidious: Out of the Further” ka marrë vlerësime relativisht të mira nga kritikët, duke u renditur si filmi më i vlerësuar i serisë deri tani në Rotten Tomatoes.

Filmi, i cili pritet të publikohet më 21 gusht 2026, ndjek historinë e Gemmës, një nënë beqare që pas zhvendosjes në shtëpinë e saj të fëmijërisë fillon të përjetojë makthe dhe zbulon se ka aftësinë të hyjë në botën e frikshme të quajtur “The Further”.

Por fuqia e saj ka edhe një anë të rrezikshme: Gemma mund të sjellë shpirtra nga ajo botë në realitet.

Në Rotten Tomatoes, filmi aktualisht ka një vlerësim prej 67 për qind, bazuar në 36 kritika. Edhe pse kjo përqindje klasifikohet ende si “Rotten”, ajo është më e larta në historinë e franshizës.

Filmi i parë “Insidious” kishte 66 për qind, ndërsa “Insidious: Chapter 2” 38 për qind. “The Red Door”, filmi i fundit, kishte 39 për qind nga kritikët.

Megjithatë, kritikët mbeten të ndarë. Disa kanë vlerësuar përpjekjen për të ndryshuar formulën e serisë, ndërsa të tjerë kanë kritikuar skenat e frikshme, duke i konsideruar disa prej tyre të parashikueshme.

“Insidious: Out of the Further” do të jetë në kinema nga 21 gushti.