Organizatorët e Festivalit Reading në Angli pritet të marrin vendim nëse do të lejohen të zhvillojnë muzikë në skenën kryesore edhe të enjten, një ditë para nisjes zyrtare të festivalit.

Festival Republic ka kërkuar që muzika të lejohet të enjten nga ora 17:00 deri në mesnatë. Festivali, i cili zakonisht mbledh mbi 100 mijë pjesëmarrës, zhvillohet gjatë fundjavës së pushimit të gushtit.

Megjithatë, shoqatat që përfaqësojnë qindra banorë të zonës e kundërshtojnë kërkesën, duke paralajmëruar zhurmë më të madhe dhe shqetësime për gjumin gjatë një nate pune.

Vendimi për ndryshimin e licencës së festivalit do të merret nga komisioni përkatës i Këshillit të Readingut dhe, nëse miratohet, ndryshimi do të zbatohej nga viti 2027.

Organizatorët thonë se muzika të enjten do t’u ofronte argëtim pjesëmarrësve, veçanërisht të rinjve, ndërsa banorët kërkojnë që të respektohet qetësia e zonës.