Gjiganti teknologjik Apple ka paralajmëruar se mund të rrisë çmimet e produkteve të saj për shkak të rritjes së ndjeshme të kostos së çipave të memories.

Drejtori ekzekutiv i kompanisë, Tim Cook, ka deklaruar se rritja e çmimeve është “e pashmangshme”, duke e përshkruar situatën në tregun e memories si të paqëndrueshme.

Sipas tij, kërkesa e lartë nga industria e inteligjencës artificiale dhe mungesa e furnizimit kanë ndikuar në rritjen e kostove të prodhimit të pajisjeve elektronike.

Ende nuk është bërë e ditur se kur do të hyjnë në fuqi rritjet e çmimeve dhe cilat produkte do të preken, përfshirë edhe gjeneratën e ardhshme të iPhone-ve.