Filmi i ri i animuar, “Toy Story 5”, ka marrë vlerësime shumë pozitive nga kritikët, duke u cilësuar si një nga vazhdimet më të suksesshme të sagës së famshme të Pixar-it.

Në qendër të historisë është Jessie, e cila përballet me një realitet të ri ku fëmijët po kalojnë gjithnjë e më shumë kohë para ekraneve dhe më pak me lodrat tradicionale. Filmi trajton tema aktuale si teknologjia, rrjetet sociale, ankthi social dhe ndikimi i ekranit në jetën e fëmijëve.

Përveç personazheve të njohur si Woody, Buzz dhe Jessie, filmi prezanton edhe personazhe të rinj teknologjikë, duke sjellë një mesazh të balancuar mbi bashkëjetesën mes teknologjisë dhe lojës tradicionale.

Kritikët e kanë vlerësuar filmin për historinë emocionale, humorin dhe animacionin mbresëlënës, duke e konsideruar atë një nga filmat familjarë më të mirë të vitit.