Në ceremoninë e përurimit morën pjesë ministri i Punëve të Brendshme, Xhelal Sveçla, kryetari i Komunës së Podujevës, Shpejtim Bulliqi, drejtori i Përgjithshëm i Policisë së Kosovës, kolonel Gazmend Hoxha, si dhe zyrtarë të tjerë të Policisë së Kosovës.

Sipas Policisë së Kosovës, ky nënstacion pritet të ndikojë në rritjen e sigurisë publike, forcimin e rendit dhe ligjit, si dhe në ofrimin e shërbimeve policore më të shpejta dhe më efikase për qytetarët.

Policia theksoi se projekti është pjesë e përpjekjeve për forcimin e bashkëpunimit me komunitetin lokal dhe garantimin e sigurisë në çdo pjesë të vendit.