Filmi horror-fantashkencë Backrooms, me regji të Kane Parsons, ka shënuar debutimin më të madh në historinë e studios A24

. Vetëm gjatë ditës së premte në tregun amerikan, filmi arkëtoi rreth 33 milionë euro, ndërsa parashikimet tregojnë se fundjava e parë mund të mbyllet me të ardhura mes 74 dhe 79 milionë eurove. Filmi bazohet në serinë virale të krijuar nga Parsons dhe ndjek historinë e një pronari dyqani mobiliesh që zbulon një portal drejt një dimensioni misterioz dhe shqetësues përtej realitetit të njohur.

Në kastin e filmit bëjnë pjesë Chiwetel Ejiofor, Renate Reinsve dhe Mark Duplass. Ndërkohë, komedia familjare The Breadwinner debutoi me rreth 6.6 milionë euro gjatë fundjavës, ndërsa drama historike Pressure, e fokusuar te vendimi i Dwight D. Eisenhower për operacionin D-Day, pritet të arrijë rreth 4.8 milionë euro. Në vendin e dytë të arkëtimeve u rendit Obsession, ndërsa Star Wars: The Mandalorian and Grogu zuri vendin e tretë. Sukses po vazhdon të ketë edhe filmi biografik Michael, i cili po i afrohet shifrës prej 299 milionë eurosh të ardhura në Amerikën e Veriut.