Kanë dalë pamjet e para nga xhirimet e filmit të ri “A Minecraft Sequel”, ku aktori Jack Black po rikthehet në rolin e Steve.

Xhirimet e filmit, i cili pritet të publikohet më 23 korrik 2027, po zhvillohen në Zelandën e Re, në qytetet e vogla Huntly dhe Thames. Në pamjet e publikuara, Jack Black shihet duke drejtuar një kamion të veçantë të quajtur “Steve’s Lava Chicken”, një element që lidhet me skena dhe momente nga filmi i parë.

Sipas ekipit të produksionit, prania e një projekti kaq të madh në qytete të vogla ka krijuar interes dhe atmosferë të veçantë në komunitet.

Filmi i ri po tërheq vëmendje të madhe në rrjete sociale, ndërsa fansat po diskutojnë për ndryshimet në stilin e personazhit dhe elementët e rinj që pritet të shfaqen në vazhdim.