Aktori Dolph Lundgren do të rikthehet në universin e “Masters of the Universe”, duke u bërë pjesë e filmit të ri që pritet të dalë në vitin 2026.

Lundgren, i cili luajti rolin e He-Man në filmin e vitit 1987, ka konfirmuar se do të ketë një rol të vogël në adaptimin e ri, ku protagonisti kryesor, Prince Adam/He-Man, do të interpretohet nga Nicholas Galitzine.

Sipas aktorit, personazhi i tij do të shfaqet në një moment kyç të filmit për t’i dhënë këshilla të rëndësishme He-Man-it të ri. Lundgren e përshkroi eksperiencën si “surreale”, duke thënë se ndihej sikur po fliste me një version më të ri të vetes.

Filmi i ri i Masters of the Universe është prodhim i Amazon MGM Studios dhe do të drejtohet nga Travis Knight. Premiera në kinema është paralajmëruar për 5 qershor 2026.