Regjisori i njohur i filmave horror dhe thriller, M. Night Shyamalan, ka deklaruar se filmi i tij i ardhshëm “Remain” mund të jetë projekti më i fortë që ka realizuar deri më tani.

Gjatë një prezantimi të Warner Bros. Discovery, Shyamalan tha se “Remain” është filmi me vlerësimet më të larta testuese në karrierën e tij.

Filmi do të sjellë në rolet kryesore Jake Gyllenhaal dhe Phoebe Dynevor, ndërsa përshkruhet si një thriller romantik me elemente mbinatyrore.

Sipas regjisorit, historia është ndërtuar mbi frikërat emocionale të njerëzve dhe synon të kombinojë romancën me ndjesinë e vazhdueshme të tensionit dhe misterit.

Shyamalan njihet për filmat me kthesa të papritura në fund të historisë, ndërsa një nga sukseset më të mëdha të tij mbetet The Sixth Sense.

“Remain” pritet të dalë në kinema më 5 shkurt 2027.