Platforma online eBay ka refuzuar ofertën prej 55.5 miliardë dollarësh nga GameStop për blerjen e kompanisë.

Bordi i eBay deklaroi se oferta nuk ishte “as e besueshme dhe as tërheqëse”, duke përmendur paqartësi rreth mënyrës së financimit të marrëveshjes dhe shqetësime për menaxhimin e GameStop.

Oferta e GameStop kishte tërhequr vëmendje të madhe pasi kompania është shumë më e vogël se eBay dhe nuk kishte dhënë detaje të qarta se si do ta financonte blerjen.

Sipas raportimeve, drejtori ekzekutiv i GameStop, Ryan Cohen, madje kishte nisur të shiste produkte në eBay për të mbështetur financiarisht ofertën, përfshirë kapele dhe filxhanë me logo të GameStop me çmime shumë të larta.

Ndërkohë, eBay ka shënuar rritje të aksioneve gjatë këtij viti dhe po vazhdon të konkurrojë me kompani të mëdha si Amazon, Walmart dhe Facebook Marketplace.