Pajisjet plastike të kopshtarisë mund të kontribuojnë në ndotjen e tokës me mikroplastikë, paralajmërojnë ekspertët. Këto grimca shumë të vogla plastike krijohen kur produktet plastike degradohen dhe mund të përfundojnë në tokë, ujë dhe madje edhe në ushqimin që konsumojmë.

Sipas specialistëve, edhe pajisjet e zakonshme të kopshtit, si tabakatë për mbjellje, enët plastike dhe mbulesat sintetike, mund të jenë burim i këtij ndotimi. Mikroplastika tashmë është gjetur në ujë të pijshëm, ushqime dhe në mjedis.

Ekspertët sugjerojnë zëvendësimin e plastikës me alternativa më të qëndrueshme, sidomos gjatë sezonit të mbjelljeve. Në vend të tabakave plastike, rekomandohen forma metalike për bllokimin e dheut ose enë të bëra nga materiale të biodegradueshme, si fibra natyrale apo kompost.

Po ashtu, për bimët e mëdha këshillohen enë prej druri ose terrakote, ndërsa qeset prej pëlhure natyrale mund të zëvendësojnë plastikën për rritjen e perimeve si patatet apo domatet.

Një tjetër alternativë e rekomanduar është kompostimi në shtëpi, i cili redukton nevojën për plehra kimike dhe pakëson përdorimin e qeseve plastike.

Ekspertët theksojnë se edhe ndryshimet e vogla në zgjedhjet e përditshme mund të ndihmojnë në reduktimin e ndotjes dhe në mbrojtjen e mjedisit.