Qeveria trepartiake në Austri ka rënë dakord në parim për të ndaluar përdorimin e rrjeteve sociale nga fëmijët nën moshën 14 vjeç, me qëllim mbrojtjen e tyre nga përmbajtjet e dëmshme dhe algoritmet që krijojnë varësi.

Megjithatë, autoritetet nuk kanë përcaktuar ende afatin e zbatimit apo mënyrën konkrete se si do të realizohet ky ndalim. Zëvendëskancelari Andreas Babler theksoi se masat synojnë të mbrojnë të rinjtë nga efektet negative të platformave digjitale.

Ndërkohë, Austria ndjek një trend në rritje ndërkombëtar, pasi edhe vende të tjera po shqyrtojnë masa të ngjashme, ndërsa Australia tashmë ka vendosur një ndalim për personat nën 16 vjeç.