Disney dhe Lucasfilm kanë publikuar trailerin e ri të filmit The Mandalorian and Grogu, duke zbuluar më shumë detaje rreth aventurës së ardhshme në universin e “Star Wars”.

Shiko trailerin në Instagram

Në fokus janë Din Djarin dhe Grogu, të cilët në këtë film do të përballen me një sërë kundërshtarësh, përfshirë gangsterë, kriminelë lufte dhe krijesa të rrezikshme.

Filmi shënon rikthimin e “Star Wars” në ekranin e madh, shtatë vjet pas publikimit të The Rise of Skywalker. Projekti drejtohet nga Jon Favreau dhe Dave Filoni, të cilët sjellin historinë e njohur nga seria televizive në një format kinematografik.

Sipas pamjeve të publikuara, filmi pritet të jetë i mbushur me aksion dhe përballje të shumta, ndërsa historia do të ndjekë misionet e dyshes në një galaktikë ende të trazuar pas rënies së Perandorisë.

Premiera e filmit është paralajmëruar për 22 maj 2026 dhe konsiderohet një nga projektet më të rëndësishme për rikthimin e suksesit të “Star Wars” në kinema.