Fituesi kryesor në kategorinë e aeroporteve është Istanbul Airport, i cili u vlerësua për performancë të lartë operacionale dhe besueshmëri, duke menaxhuar mbi 84 milionë pasagjerë në vit.

Sa i përket linjave ajrore, Qatar Airways u shpall si kompania më e mirë globale për përpikëri, me mbi 84% të fluturimeve që u realizuan në kohë.

Në kategoritë tjera, Aeroméxico rezultoi si linja ajrore më e saktë në nivel global për nga përqindja e fluturimeve në kohë, ndërsa Delta Air Lines kryesoi në Amerikën e Veriut dhe Iberia Express në Evropë.

Raporti thekson se, për shkak të faktorëve si moti, mungesa e stafit dhe tensionet gjeopolitike, ruajtja e orareve të sakta është bërë gjithnjë e më sfiduese. Megjithatë, disa operatorë po arrijnë të ruajnë performancë të lartë, duke përmirësuar përvojën e udhëtarëve dhe efikasitetin operacional.