Bayern Munich ka nisur negociatat për të zgjatur kontratën e Harry Kane, duke e konsideruar si një prioritet pas rinovimit të marrëveshjes me mbrojtësin Dayot Upamecano. Sipas Fabrizio Romano, drejtuesit bavarezë duan ta “blindojnë” kapitenin e Anglisë, duke e mbajtur si figurë kyçe në projektin sportiv të klubit.

Kane ka pasur një sezon spektakolar, me 45 gola në vetëm 37 ndeshje, duke u bërë lider i padiskutueshëm në sulm. Pavarësisht interesimit nga Barcelona dhe Manchester United, sulmuesi thuhet se është i hapur për të vazhduar qëndrimin në Gjermani, ku po e realizon ëndrrën e tij për të fituar trofe të mëdhenj.

Bayerni është favorit i qartë për titullin në Bundesliga këtë edicion dhe ka ambicie të mëdha edhe në Ligën e Kampionëve, ndaj sigurimi i së ardhmes së Kane shihet si një hap strategjik për të ruajtur dominimin në futbollin evropian.

Ky zhvillim tregon se klubi po mendon afatgjatë, duke e parë Kane jo vetëm si golashënues, por edhe si simbol të projektit të tyre sportiv.