Michael B. Jordan ka shënuar një fitore të papritur në Actor Awards, duke u shpallur aktori më i mirë për rolin e tij në filmin horror Sinners. Filmi fitoi gjithashtu çmimin kryesor të mbrëmjes për kastin më të mirë.

Në fjalimin e tij, Jordan u shpreh se nuk e kishte pritur çmimin dhe falënderoi familjen dhe ekipin e filmit për mbështetjen. Fitorja e tij vjen në një moment vendimtar, vetëm pak javë para ceremonisë së Academy Awards, ku “Sinners” kryeson me 16 nominime.

Ndër fituesit e tjerë të mbrëmjes ishin Jessie Buckley për “Hamnet”, Sean Penn për “One Battle After Another”, si dhe Amy Madigan me një fitore surprizë në kategorinë e rolit dytësor.

Një çmim pas vdekjes iu nda edhe Catherine O'Hara për interpretimin e saj në serialin “The Studio”.

Actor Awards, të votuara nga vetë aktorët, konsiderohen si një barometër i rëndësishëm për garën drejt Oscars, që do të mbahet më 15 mars.