Shtëpia e dikurshme e ikonës së muzikës Frank Sinatra në Los Angeles është nxjerrë në shitje për herë të parë pas 53 vitesh, me çmim 7.5 milionë dollarë.

Rezidenca në Maravilla Drive, e njohur si Villa Dorada, ruan sharmin e Hollivudit të vjetër dhe përfshin gjashtë dhoma gjumi, shtatë banjo, pishinë dhe elemente origjinale në stil Art Deco.

Agjenti imobiliar John Zaffarano e përshkroi pronën si një rezidencë Spanish Revival e vitit 1929 “të ruajtur me përpikëri”. Shtëpia është pjesë e historisë së Hollivudit dhe dikur ka pritur figura si Bela Lugosi dhe kantautorin Jimmy Van Heusen.