Disney ka konfirmuar kastin e zërit për Toy Story 5, pas vdekjes së Don Rickles dhe Estelle Harris. Jeff Bergman do të japë zërin për Mr. Potato Head, ndërsa Anna Vocino për Mrs. Potato Head. Tom Hanks dhe Tim Allen rikthehen si Woody dhe Buzz Lightyear, së bashku me pjesën tjetër të kastit klasik dhe disa fytyra të reja, përfshirë Greta Lee, Conan O’Brien dhe Craig Robinson.

Historia e filmit nis pas ngjarjeve të Toy Story 4, me Woody që jeton si lodër e humbur dhe një pajisje teknologjike e re, Lilypad, që rrezikon lodrat e Bonnie. Regjisori i njohur Andrew Stanton udhëheq projektin, me Randy Newman si kompozitor dhe Lindsey Collins si producent.

Filmi do të shfaqet në kinema më 19 qershor 2026, duke qenë filmi i dytë Pixar i vitit pas Hoppers. Ky lançim shënon rikthimin e sequels Pixar pas disa projekteve të fundit më pak të suksesshme në box office.