Apple ka lëshuar përditësime të reja për pajisje të vjetra deri në 12 vjet, duke treguar se edhe modelet më të hershme mund të mbeten funksionale.

iOS 12.5.8 është tashmë i disponueshëm për iPhone 5s (2013) dhe iPhone 6 (2014). Ky përditësim siguron funksionimin e shërbimeve kyçe si FaceTime, iMessage dhe aktivizimin e pajisjes, të paktën deri pas janarit 2027.

Ky është përditësimi i parë për këto modele që nga “patch” i sigurisë i janarit 2023.
Apple ka lëshuar gjithashtu versionet më të reja për pajisjet më moderne:
iOS 18.7.4 dhe iPadOS 18.7.4
iOS 16.7.13 dhe iPadOS 16.7.13
iOS 15.8.6 dhe iPadOS 15.8.6

Ky hap tregon se kompania vazhdon të ofrojë mbështetje afatgjatë dhe siguri për përdoruesit, duke e bërë të qartë se edhe telefonët e vjetër mund të mbeten të dobishëm për një kohë të gjatë.