Fitorja e ngushtë e Besiktasit ndaj Kayserisporit (1:0), me golin e El Bilal Toure në minutën e 95-të, nuk e ka bindur ish-sulmuesin turk Nihat Kahveci. Ai ka kritikuar hapur paraqitjen e skuadrës bardhezi, duke theksuar mangësitë në repartin ofensiv.

Në veçanti, Kahveci ndali vëmendjen te Milot Rashica, duke e krahasuar me periudhën kur Ricardo Quaresma luante për Besiktasin. Sipas tij, Rashica nuk po arrin të ketë ndikimin e pritur dhe është më i dobishëm si lojtar mbështetës sesa si lider i sulmit. Megjithatë, pavarësisht kritikave, Rashica mbetet një nga lojtarët më të përfolur të skuadrës, me dy gola dhe tri asistime të regjistruara këtë sezon.