Vdes Roger Allers, regjisori i The Lion King dhe vizionar i animacionit

Film | 19.01.2026 Ora 8:24

Roger Allers, regjisori i njohur për filmin e animuar klasik të Disney-t The Lion King (1994) dhe adaptimin e tij në Broadway, ka ndërruar jetë në moshën 76-vjeçare në Santa Monica pas një sëmundjeje të shkurtër.

Allers kishte punuar në shumë produksione të Disney-t, përfshirë Aladdin, Beauty and the Beast, The Little Mermaid dhe Oliver and Company, si dhe kontribuoi në zhvillimin e filmit Tron në 1982. Përveç regjisurës së filmave, ai mori nominim për Tony për adaptimin e The Lion King në skenën teatrale në 1998 dhe një nominim Oscar për filmin e shkurtër The Little Matchgirl në 2006.

Disney e përshkruan Allers si një vizionar kreativ, i cili krijoi histori dhe personazhe që vazhdojnë të frymëzojnë breza të tërë. Ai la pas dy fëmijë, Leah dhe Aidan, dhe partnerin e tij, Genaro.