Barcelona ka arritur një moment historik pas një dekade, duke regjistruar 10 fitore radhazi. Me triumfin 3-2 ndaj Real Madridit në finalen e Superkupës së Spanjës, skuadra e Hansi Flick fitoi trofeun e parë të sezonit dhe barazoi serinë e famshme të Luis Enrique në vitin 2016.

Pas humbjes ndaj Chelseat në Ligën e Kampionëve, katalanasit kanë reaguar fuqishëm duke fituar çdo ndeshje që pasoi, përfshirë sukseset ndaj Atletico Madridit, Real Betisit, Villarrealit, Espanyolit dhe kulmin në El Clasico në Arabinë Saudite.
Nëse Barça arrin të mposhtë Racing Santander në Copa del Rey, atëherë do të afrohet edhe më shumë me serinë e 11 fitoreve të njëpasnjëshme të vitit 2015, duke konfirmuar formën e jashtëzakonshme të skuadrës këtë sezon.