Zinxhirët më të mëdhenj të shitjes me pakicë në Shtetet e Bashkuara po përdorin gjithnjë e më shumë teknologjinë e njohjes së fytyrës për të luftuar vjedhjet, shpesh pa dijeninë e klientëve. Edhe pse kjo teknologji përdoret prej vitesh, zgjerimi i saj në dyqane ka nxitur shqetësime serioze për privatësinë dhe të drejtat civile.

Reagime të forta u shfaqën së fundmi ndaj zinxhirit Wegmans, pasi kompania njoftoi se po përdor njohjen e fytyrës në disa dyqane në New York, në përputhje me ligjin lokal që kërkon informimin e klientëve për mbledhjen e të dhënave biometrike. Sipas kompanisë, teknologjia shërben vetëm për siguri dhe identifikon persona të lidhur më herët me sjellje të papërshtatshme.

Megjithatë, ekspertë të privatësisë paralajmërojnë se në mungesë të ligjeve federale dhe shtetërore, kjo teknologji mund të keqpërdoret. Raste të mëhershme kanë treguar se njohja e fytyrës ka çuar edhe në identifikime të gabuara dhe diskriminim, duke rritur shqetësimet për transparencë dhe mbrojtjen e të dhënave personale.