Automjetet e përdorura të importuara nga Koreja, Kina dhe vendet e Evropës do të zhdoganohen tashmë me çmime të reja reference.
Udhëzimi i Ministrisë së Financave, i botuar në Fletoren Zyrtare, ka hyrë në fuqi dhe parashikon rritje të ndjeshme të çmimeve minimale për zhdoganimin e mjeteve.

Për autoveturat, çmimet minimale janë rritur për të gjitha kategoritë e cilindratës, duke vendosur një kufi nën të cilin automjeti nuk mund të zhdoganohet, pavarësisht vlerës së deklaruar.
Po ashtu, rritje janë aplikuar edhe për kamionçinat, furgonat dhe kamionët, sipas kapacitetit mbajtës.

Sipas autoriteteve, vlerësimi i automjeteve të prodhuara para vitit të fundit të publikuar nuk mund të jetë më i ulët se çmimet e reja referuese të përcaktuara në udhëzim.