Gjatë vitit 2025, librat autobiografikë u shndërruan në një nga zhanret më të diskutuara, duke tërhequr vëmendje si për fuqinë e rrëfimeve personale, ashtu edhe për polemikat që i shoqëruan ato.
Autobiografi nga emra të njohur, por edhe histori të dhimbshme personale, u shitën në shifra të larta dhe ndikuan në debatet publike.

Megjithatë, skandali rreth librit The Salt Path ngriti dyshime serioze mbi saktësinë e disa rrëfimeve, duke hapur një debat të gjerë mbi kufirin mes faktit dhe interpretimit në memoir.
Ekspertë të librit dhe autorë theksojnë se ndershmëria mbetet elementi më i rëndësishëm i këtij zhanri, pasi besimi i lexuesit është themeli i çdo rrëfimi personal.

Pavarësisht polemikave, shkrimtarët dhe botuesit besojnë se në një botë të pasigurt, tregimet njerëzore reale mbeten më të rëndësishme se kurrë.