Ekonomia e SHBA-së shënoi një zgjerim të fortë gjatë tremujorit të tretë të vitit, duke u rritur me 4.3% në bazë vjetore, nga 3.8% në tremujorin e mëparshëm, duke shënuar ritmin më të shpejtë të dy viteve të fundit.

Rritja u nxitur kryesisht nga shpenzimet e konsumatorëve, të cilat u rritën me 3.5%, dhe nga eksportet, që u rritën me 7.4%. Analistët vlerësojnë se konsumi i shërbimeve, përfshirë kujdesin shëndetësor, luajti një rol kyç në këtë performancë pozitive, pavarësisht një tregu pune në ngadalësim dhe sfidave me inflacionin.

Ndërkohë, importet vazhduan të binin, duke reflektuar ndikimin e taksave të vendosura këtë vit mbi mallrat e importuara. Rritja e eksportit ndihmoi në stabilizimin e balancës tregtare, duke dhënë një impuls të rëndësishëm për ekonominë amerikane drejt fundit të vitit.