Ylli i pop-it Justin Bieber është rikthyer në qendër të vëmendjes, këtë herë jo me një këngë të re, por me një interpretim të papritur në rep, i cili ka shkaktuar reagime të shumta në rrjetet sociale.

Gjatë një transmetimi të drejtpërdrejtë në Twitch, Bieber tentoi të interpretojë një nga këngët më ikonike të reperit Eminem, duke bërë që klipi të bëhej shpejt viral. Bëhet fjalë për këngën “Forgot About Dre”, nga albumi i Dr. Dre i vitit 1999, ku Eminem ka një nga vargjet më të njohura të karrierës së tij.

Pjesa e Eminem njihet për ritmin e shpejtë, stilin agresiv dhe lojën e ndërlikuar me fjalë, çka e bën jashtëzakonisht të vështirë për t’u interpretuar. Megjithatë, Bieber vendosi ta provojë sfidën.

Reagimet e publikut ishin të ndara. Ndërsa disa e vlerësuan guximin dhe dëshirën e tij për të eksperimentuar jashtë zhanrit të zakonshëm, të tjerë nuk u impresionuan dhe e shfrytëzuan momentin për ta tallur në internet.

Komente si: “Kjo është çuditërisht e keqe”, “Bieber është i mirë, por kjo definitivisht nuk është”, “Nuk po shkon mirë” apo edhe “A është kjo IA?” pushtuan rrjetet sociale, duke e kthyer interpretimin në një temë të nxehtë diskutimi.