Parlamenti i Italisë miratoi të martën një ligj historik që e konsideron vrasjen e grave një krim që dënohet me burgim të përjetshëm, raportuan mediat lokale. Dhoma e Deputetëve votoi unanimisht në favor të ligjit, ndërsa e gjithë bota shënoi Ditën Ndërkombëtare për Eliminimin e Dhunës ndaj Grave.

Ky ligj, i propozuar nga qeveria e kryeministres Giorgia Meloni, për herë të parë fut në kuadër të ligjit penal italian përkufizimin ligjor të femicidit dhe parashikon dënimin më të lartë për këtë krim.

Meloni u shpreh: “Jam shumë e kënaqur me miratimin e Parlamentit të projektligjit që prezanton krimin e vrasjes së grave”, sipas agjencisë ANSA.

Sipas të dhënave të ISTAT, Institutit Kombëtar të Statistikave të Italisë, gjatë vitit 2024 u regjistruan 106 vrasje të grave, rreth një çdo tre ditë. Ligji synon të forcojë mbrojtjen e grave dhe të dërgojë një mesazh të qartë kundër dhunës gjinore.