Paramount akuzohet se “zhduki” filmin politik Anniversary (2025)

Film | 05.11.2025 Ora 8:45

Studioja Paramount është përballur me kritika pasi, sipas producentit Nick Wechsler, ka “varrosur” filmin politik Anniversary, që doli në tetor të këtij viti.

Filmi, me aktorë të njohur si Diane Lane, Dylan O'Brien, Kyle Chandler dhe Phoebe Dynevor, trajton rënien e demokracisë në SHBA përmes historisë së një profesoreje që sheh si bota përreth saj ndryshon pas publikimit të një teze radikale politike.

Pavarësisht temës aktuale dhe kastës së njohur, Anniversary mori shumë pak marketing – vetëm rreth 3 milionë dollarë – dhe u shfaq në 800 kinema, me fitime prej 259 mijë dollarësh.
Kritikët e kanë vlerësuar filmin me 69% në Rotten Tomatoes, duke e përshkruar si një paralajmërim kundër ekstremizmave politike dhe një projekt të guximshëm për kohën që jetojmë.