Kosova ndalon importin e shpezëve dhe produkteve nga Gjermania pas konfirmimit të Gripit të Shpezëve H5N1

Vendi | 31.10.2025 Ora 8:35

Agjencia e Ushqimit dhe Veterinarisë së Republikës së Kosovës (AUV) njofton se në Gjermani është konfirmuar prania e sëmundjes Avian Influenza, serotip HPAI – H5N1, në disa ferma të shpezëve, sipas raportit të Organizatës Botërore për Shëndetin e Kafshëve (WOAH) dhe Komisionit Evropian.

Për të mbrojtur shëndetin e kafshëve dhe sigurinë ushqimore në Kosovë, AUV ka vendosur ndalimin e importit të shpezëve të gjalla dhe të produkteve të tyre, duke përfshirë mishin, vezët dhe nënproduktet e tjera, nga i gjithë territori i Gjermanisë.

Ky vendim hyn menjëherë në fuqi dhe do të mbetet në zbatim deri në vlerësimin e mëtejshëm të situatës nga autoritetet ndërkombëtare dhe AUV.