Vazhdimi i filmit finlandez Sisu ka nisur rrugëtimin e tij me një sukses të madh kritik. Sisu: Road to Revenge, me regji dhe skenar nga Jalmari Helander, ka debutuar në Rotten Tomatoes me 100% vlerësime pozitive nga 12 kritikët e parë që e kanë parë filmin.

Në këtë pjesë të dytë, rikthehet Jorma Tommila në rolin e Aatami Korpi, i cili përballet me një komandant të Ushtrisë së Kuqe (Stephen Lang), pas vrasjes së familjes së tij. Kritikat e para e përshkruajnë filmin si një evoluim të përsosur të origjinalit, duke ruajtur stilin kaotik të aksionit, por duke e ngritur atë në një nivel më të lartë. Madje është krahasuar me Mad Max: Fury Road, megjithëse ngjarja zhvillohet menjëherë pas Luftës së Dytë Botërore.

Filmi pati premierën botërore në Fantastic Fest më 21 shtator dhe pritet të shfaqet në kinematë amerikane më 21 nëntor.
Ndërkohë, kritikët theksojnë se filmi ka potencial për t’u bërë një fenomen “kult”, i dashur nga publiku edhe nëse nuk do të garojë për çmime të mëdha.