Rënie rekord e popullsisë në Japoni - mbi 900 mijë më pak në një vit

Të Tjera | 08.08.2025 Ora 7:59

Popullsia e Japonisë ka rënë me mbi 900,000 persona vetëm gjatë vitit 2024, duke shënuar rënien më të madhe vjetore në histori. Nga 126.6 milionë në vitin 2009, popullsia është ulur në 120 milionë. Ndërkohë që lindjet janë në rënie të vazhdueshme (vetëm 687,689 në 2024), numri i vdekjeve është rritur në afër 1.6 milionë. Rreth 30 % e qytetarëve janë tashmë mbi moshën e pensionit, ndërsa fuqia punëtore ka rënë në vetëm 59 % të popullsisë.

Për ta përballuar krizën, Japonia po zbut politikat ndaj emigracionit, duke futur viza të reja për nomadët digjitalë dhe programe trajnimi për punëtorë. Aktualisht, numri i të huajve në vend ka arritur 3.6 milionë – një rekord i ri. Megjithatë, ekspertët paralajmërojnë se edhe me këto masa, popullsia pritet të bjerë me 30% deri në vitin 2070.