Sot shënohet Dita Kombëtare e Videolojërave

Të Tjera | 08.07.2025 Ora 8:28

8 korriku është Dita Kombëtare e Videolojërave – një datë që feston historinë dhe ndikimin e kësaj industrie, që nga loja e parë “Nim” e prezantuar në 1940, e deri te zhvillimet më të fundit me teknologjinë VR.

Loja e parë për përdorim komercial ishte “Pong”, e ndjekur nga epoka e artë e “Super Mario Bros.”, “Zelda” dhe “Donkey Kong”. Me kalimin e viteve, video-lojërat u bënë pjesë e kulturës popullore dhe sot përfaqësojnë një treg global miliarda dollarësh. Me rritjen e telefonave inteligjentë dhe aplikacioneve, gaming-u është bërë më i qasshëm se kurrë.

Sipas një sondazhi të fundit në SHBA:

31% e njerëzve luajnë çdo ditë,
Konsola më e preferuar është PlayStation (38%), ndjekur nga Xbox (38%) dhe Nintendo (21%),
Franchisa më e dashur mbetet “Super Mario”, me 47% të votave.

Tradicionalisht, kjo ditë shënohet me maratona lojërash, cosplay, ulje të çmimeve dhe aktivitete komunitare në YouTube dhe Twitch.