Plot 20 vjet pas golit të parë të Lionel Messit me Barcelonën, një tjetër djalosh i jashtëzakonshëm ka shpërthyer në skenën e madhe. Lamine Yamal, 17-vjeçari nga Mataró, festoi ndeshjen e tij të 100-të me Barcelonën me një gol spektakolar në gjysmëfinalen e Ligës së Kampionëve.

Yamal ka një CV mbresëlënëse për moshën e tij: kampion Europe me Spanjën, fitues i La Liga-s, Kupës së Mbretit dhe Superkupës me Barcelonën. Në vetëm dy vite ai ka shënuar 22 gola dhe dhënë 27 asistime për klubin, si dhe ka shënuar katër gola për përfaqësuesen spanjolle — shumë përpara se Messi apo Ronaldo të debutonin ndërkombëtarisht.

Me stilin e tij të çlirët dhe vetëbesimin që të kujton Cristiano Ronaldon, Yamal po kthehet në pikën e referimit për skuadrën katalanase. Ish-trajnerë dhe analistë sportivë e konsiderojnë tashmë si lojtarin më të mirë aktual në botë për talentin që shfaq.

Ai është jo vetëm produkt i La Masia-s, por edhe dëshmi e një epoke të re për Barcelonën, e cila, në mungesë të buxhetit për superyje, po rikthehet te forca e saj më e madhe historike: akademia.