Pas debutimit në kinema dhe vlerësimeve të mëdha, filmi dramatik The Brutalist do të jetë më në fund i disponueshëm për shikuesit në shtëpi. Ky projekt i realizuar nga studio e njohur A24, me regji nga Brady Corbet dhe bashkë-shkruar me partneren e tij Mona Fastvold, sjell në qendër historinë e László Tóth, një arkitekt hebre me origjinë hungareze, i mbijetuar i Holokaustit, i cili emigron në SHBA në kërkim të Ëndrrës Amerikane – një ëndërr që bëhet reale vetëm pas takimit me një klient të pasur.

Rolin kryesor e luan fituesi i Oscar-it Adrien Brody, ndërsa pjesë e kastit janë edhe Felicity Jones, Guy Pearce, Joe Alwyn, Raffey Cassidy, Stacy Martin, Emma Laird, Isaach de Bankolé dhe Alessandro Nivola.

Pas muajsh pritjeje, është konfirmuar se The Brutalist do të jetë në dispozicion për streaming në platformën Max duke filluar nga 16 maji, ndërsa një ditë më pas, më 17 maj, do të transmetohet edhe në kanalin televiziv HBO, në orën 20:00 (ET). Filmi ka qenë i disponueshëm për blerje dhe qira në platformat digjitale që nga 18 shkurti.