• Italia ka shtrënguar ndjeshëm kriteret për shtetësi përmes prejardhjes, duke e bërë shumë më të vështirë marrjen e pasaportës italiane.

• Spanja ka ndërprerë programin e vizës së artë, që u jepte të huajve të drejtën e qëndrimit përmes investimeve.

• Mbretëria e Bashkuar tani kërkon aplikim dhe pagesë paraprake edhe për qytetarët e Bashkimit Evropian – njësoj si për qytetarët e 48 vendeve të tjera.

Ndërkohë, disa qytete po marrin masa kundër mbi-turizmit:

• Venecia ka dyfishuar tarifën për vizitorët e përditshëm.

• Edinburgu ka vendosur një taksë për turistët që qëndrojnë natën.

• New Yorku ka futur sistemin e çmimeve të luhatshme në Empire State Building, që rriten varësisht nga kërkesa.

• Në Kyoto të Japonisë, pritet që taksat e hotelit të rriten deri në dhjetëfish.

Për ata që i pëlqejnë aventurat në male, lajmet nuk janë më të mira:

• Lejet për ngjitje në Mount Everest janë shtrenjtuar për mbi 35%.

• Ngjitja në Mount Fuji tani kërkon pagesë prej 27 dollarësh dhe një test.

Por ka edhe një lajm të mirë për të rinjtë: Bashkimi Evropian po shpërndan 36,000 bileta falas të trenit ndërkombëtar për të rinjtë 18-vjeçarë nga vendet anëtare të BE-së dhe ato të përfshira në programin Erasmus+. Afati për aplikim është 16 prill.

Disa incidente kohëve të fundit kanë ngritur pyetje mbi sigurinë e fluturimeve:

• Një fluturim nga Bali për në Melbourne u detyrua të kthehet pasi një pasagjer tentoi të hapë derën e avionit mbi Oqeanin Indian.

• Në Georgia, SHBA, një aeroplan i American Airlines u evakuua pas tymit dhe aromës së djegies në kabinë.

• Administrata Federale e Aviacionit (FAA) njoftoi krijimin e një "ekipi të menaxhimit të stresit" për kontrollorët e trafikut ajror në aeroportin e Uashingtonit, pas disa incidenteve serioze, përfshirë një përplasje ajrore fatale.

Por, përkundër këtyre rasteve, fluturimi mbetet forma më e sigurt e udhëtimit. Miliona njerëz udhëtojnë çdo ditë pa asnjë problem.