Por edhe vendet e tjera kanë paralajmërimet e tyre për qytetarët që duan të vizitojnë Amerikën. Pas disa rasteve të dhunshme në SHBA dhe ndryshimeve në politikat për komunitetin trans, disa shtete evropiane kanë paralajmëruar qytetarët e tyre për vështirësitë që mund të hasin në kufi, sidomos nëse janë trans, jo-binar apo kanë pasaportë me gjini “X”.

Danimarka: Këshillon qytetarët me pasaportë që ka shenjën “X” për gjininë të kontaktojnë ambasadën amerikane para udhëtimit.

Finlanda: Kujton qytetarët se nëse gjinia në pasaportë nuk përputhet me atë të lindjes, hyrja në SHBA mund të refuzohet.

Gjermania: Pas një rasti të bujshëm ku një artiste tatuazhesh u deportua, Gjermania rekomandon kontakt me ambasadën
amerikane për ata me ndryshim gjinie.

Irlanda: Tani kërkohet që në formularin e vizës (ESTA) të plotësohet gjinia e lindjes, dhe këshillohet që udhëtarët të kontaktojnë ambasadën në Dublin.

Holanda: Paralajmëron se në disa shtete të SHBA ka ligje lokale që mund të ndikojnë negativisht në komunitetin LGBTIQ+.

Portugalia: Thekson se hyrja në SHBA vendoset nga doganieri në kufi, dhe qytetarët jo-binar duhet të zgjedhin “mashkull” ose “femër” në formularët amerikanë.