Shtëpia e Bardhë po heq rolin e Shoqatës së Korrespondentëve të Shtëpisë së Bardhë në menaxhimin e grupit të shtypit të Shtëpisë së Bardhë, duke marrë kontrollin e vendosjes se kush do të jetë pjesë e grupit të vogël të rradhës të gazetarëve dhe fotografëve që shoqërojnë presidentin.

Grupi i shtypit përfshin përfaqësues të rradhës nga televizioni, shtypi, radio, shërbimet e televizionit dhe mediat e fotografisë që udhëtojnë me presidentin në Air Force One dhe në mjedise të tjera të vogla si Zyra Ovale ose Dhoma e Roosevelt. Ata ua komunikojnë informacionin homologëve të tyre në njësitë e tjera përmes asaj që njihet si raportet e grupeve të shpërndara me email.
Që nga vitet 1950, WHCA e pavarur, e përbërë nga përfaqësues nga qindra institucione të ndryshme, ka menaxhuar se kush është pjesë e rotacionit (në koordinim me Shtëpinë e Bardhë). Kjo tani do të ndryshojë.

Sekretarja e shtypit e Shtëpisë së Bardhë Karoline Leavitt në konferencën për shtyp të së martës tha se tani kjo do të përcaktohet nga ekipi i shtypit i Shtëpisë së Bardhë.

WHCA ka koordinuar grupin e shtypit që nga vitet 1950, një arritje e madhe logjistike. WHCA, e cila gjithashtu ka përcaktuar tradicionalisht se ku ulen mediat në dhomën e informimit, ka rreth 800 anëtarë, të cilët së bashku përfaqësojnë afro 300 organizata lajmesh nga mediat e vogla me bazë besimi deri te rrjetet kryesore televizive. WHCA pranon rregullisht anëtarë të rinj dhe ka tre nivele të anëtarësimit.