Presidenti i SHBA-ve, Donald Trump, ka nënshkruar një marrëveshje ligjore me Meta-n, pronar i Facebook dhe Instagram, për një shumë prej rreth $25 milionë pas padisë që ai kishte ngritur në vitin 2021 për pezullimin e llogarive të tij.

Meta do të paguajë rreth $22 milionë për fondin e bibliotekës presidenciale të Trump, ndërsa pjesa tjetër do të shkojë për mbulimin e kostove ligjore dhe të paditësve të tjerë. Kompania nuk do të pranojë fajësinë.

Në një zhvillim tjetër, Zuckerberg mbrojti investimin e Meta-s prej $65 miliardë në inteligjencën artificiale (AI) pas rritjes së papritur të aplikacionit kinez DeepSeek. Ai e cilësoi këtë si një mundësi për të ruajtur pozitat udhëheqëse të SHBA-ve në industrinë e AI-së.