Reperi Sean “Diddy” Combs akuzohet se është përmendur 47 herë në një intervistë të fshehtë që i dyshuari për vrasjen e Tupacut i ka dhënë policisë, raportoi të dielën “Economic Times”.

Para 45 personave, Diddy thuhet se ka deklaruar se do të jepte gjithçka “për kokat e Tupac Shakur dhe Suge Knight”. 

Sipas dokumenteve të reja të gjykatës, Diddy u përmend  47 herë në një intervistë të regjistruar në polici, ku ai u akuzua se ofroi miliona për vrasjet e Tupac Shakur dhe manjatit të rekordeve Suge Knight, siç citohet në një raport nga “The US Sun”.

Pas aktakuzës së tij në shtator me akuzat për trafikim njerëzor, shantazh dhe përfshirje në prostitucion, Diddy aktualisht po mbahet në paraburgim federal në qytetin e Nju Jorkut.

Policia e Las Vegasit ka deklaruar më parë se ai nuk është i dyshuar në këtë rast dhe se asnjëherë nuk është arrestuar apo akuzuar në lidhje me vdekjen e Tupacut.

“The US Sun” mori dokumente të reja gjyqësore në rastin Tupac, të cilat tregojnë se si Diddy ishte temë kryesore e bisedës gjatë intervistës së pazbuluar më parë të policisë, duke nxitur hetime për përfshirjen e tij në vrasje.