Një biletë fatlume këtë Vigjilje Krishtlindjesh mund të sjellë një fitore historike me një jackpot të Mega Millions që ka arritur në 944 milionë dollarë – shuma më e madhe e ofruar ndonjëherë në muajin dhjetor.

Meqenëse askush nuk fitoi çmimin të premten, shuma u rrit nga 862 milionë në 944 milionë dollarë për shortin e së martës. Fituesi mund të zgjedhë mes pagesave të përvitshme ose një shume të menjëhershme prej 429.4 milionë dollarësh.

Edhe pse askush nuk përputhi të gjitha gjashtë numrat, pesë bileta fituan 1 milion dollarë secila, duke përputhur pesë numrat e parë. Biletat fatlume u shitën në Arkansas, Illinois, Indiana dhe Pennsylvania.

Mega Millions po përjeton një vit të jashtëzakonshëm jackpots. Në mars, një fitues në New Jersey mori një çmim rekord prej 1.13 miliard dollarësh. Ndërsa në qershor dhe shtator, dy jackpots të tjera prej qindra milionësh u shpërndanë në Illinois dhe Teksas.
Historikisht, dhjetori është një muaj me fat për lojtarët e Mega Millions, me 13 jackpot të fituar gjatë sezonit të festave. Por vetëm një herë, jackpot është fituar pikërisht në natën e Krishtlindjes.

Gjithsesi, shanset për të fituar jackpotin mbeten 1 në 302.5 milionë. Por, siç thotë Joshua Johnston, drejtori i Mega Millions, “Për vetëm dy dollarë, ëndrrat bëhen të mundshme. Dhe gjatë festave, magjia është kudo!”