Kur Charli XCX publikoi albumin e saj të gjashtë, "Brat", ajo mendoi se himnet e saj të ashpra dhe të guximshme të kërcimit nuk do të pëlqeheshin nga shumë njerëz. Por në fakt, albumi përfundoi në majat e klasifikimeve muzikore dhe u bë një fenomen kulturor.

"Brat" jo vetëm që u nominua për shtatë çmime Grammy, por u përmend edhe në zgjedhjet presidenciale të SHBA-së, u kthye në një nuancë ngjyrash për pikturim dhe u shpall "fjala e vitit" nga Fjalori Collins. Së fundmi, ai u vlerësua si albumi më i mirë i 2024-ës sipas një "ankete të anketave" nga BBC News.

Kritikët e quajtën albumin "gjenial nga fillimi deri në fund" dhe "muzikë pop për të ardhmen", duke lavdëruar tekstet që pasqyrojnë ndjeshëm pasiguritë dhe obsesionet e Charli-t. Ajo vetë e përshkruan albumin si "kaos dhe tronditje emocionale mbi një sfond muzike klubi".

Albumi kryesoi me 486 pikë në renditjen e BBC-së, duke lënë pas albumin e dytë më të mirë, “Cowboy Carter” nga Beyoncé, me diferencë të madhe.

Përpos suksesit të albumit origjinal, Charli publikoi edhe një version remix, duke përfshirë artistë si Billie Eilish, Robyn dhe The 1975. Billboard e përshkroi këtë projekt si një nga nisjet më emocionuese dhe kulturore të albumeve moderne, gjithçka nën drejtimin kreativ të Charli-t.

Albumet më të mira të 2024-ës përfshijnë:

1. Charli XCX - Brat
2. Beyoncé - Cowboy Carter
3. Fontaines D.C. - Romance
4. Billie Eilish - Hit Me Hard and Soft
5. MJ Lenderman - Manning Fireworks