Sindikata e Bashkuar e Arsimit e Shkencës, ka nisur të marrë firmat e anëtarësisë si deklarim për nisjen e veprimeve sindikale, nëse nuk iu plotësohen dy kushte.

Këto veprime u konsideruan të pashmangshme, meqë as pas dorëzimit të draftit nuk u ftuan për negocim e krejt këto veprime, në Ministri vlerësojnë se po shkaktojnë përçarje tek mësimdhënësit.

Sipas këtij dikasteri, çështja e koeficientit është e rregulluar me ligj, derisa nënshkrimi i kontratës thonë se nuk do të bëhet në kohë fushate, siç potencojnë të ketë ndodhur më parë.

Ministria potencon se diskutimi për kontratën mund të bëhet nga BSPK dhe Këshilli Ekonomik Social në nivel vendi, kur të krijohen kushtet e kërkuara me ligj.