Për shumë atletë, ëndrra e tyre e madhe në karrierë është që të jenë në gjendje të varin një medalje olimpike në qafë.

Por, ylli amerikan Nyjah Huston, ankohet për cilësinë e metalit të çmuar në Lojërat Olimpike në Paris. Dhe kjo i ka shkaktuar disa komente tallëse nga fansat!

Çfarë ndodhi?

Huston është aktualisht një nga patinatorët më të mirë në botë dhe fitoi medaljen e bronztë në Lojrat Olimpike në Paris. Pas gjashtë titujve të kampionatit botëror dhe 13 medaljeve të arta në X-Games, një nga yjet më të mëdhenj të skenës siguroi edhe medaljen e tij të parë olimpike në lojërat në kryeqytetin francez.

Por disa ditë më vonë, në shtëpi, ai vëren se medalja e tij tashmë duket dukshëm e përdorur. Ai bëri shaka në Instagram: “Këto medalje olimpike duken të shkëlqyera kur janë krejt të reja. Por pasi e kam mbajtur për pak kohë, me pak djersë nga lëkura dhe ia kam lënë miqve të mi ta mbajnë gjatë fundjavës, me sa duket nuk janë aq cilësore sa mund të mendoni”.

Më vonë ai shton, duke thënë se medalja të jep përshtypjen se ajo ka udhëtuar një herë në luftë dhe është rikthyer.
Ai tregon medaljen e tij të bronztë, e cila tashmë është patinuar dukshëm – që megjithatë është krejtësisht normale për materialin nëse “përdoret” shumë.

Huston gjithashtu bëhet i vetëdijshëm për këtë më vonë. “Me siguri duhet t’a kisha lënë në atë kuti. Ato nuk janë të destinuara për përdorim”, shkroi patinatori në Instagram për mbi pesë milionë ndjekësit e tij.