Kërkesa për pushime jashtë vendit në vitin 2023 është afër arritjes së niveleve para pandemisë, sipas operatorëve turistikë dhe agjentëve të udhëtimit.

Por me rritjen e rezervimeve, çmimi i një udhëtimi të largët është gjithashtu në rritje.

Shumë udhëtarë po luftojnë për të përballuar rritjen e çmimeve, veçanërisht kostot e jetesës dhe inflacionin shumë të lartë.
Zyra Postare e Mbretërisë së Bashkuar publikoi Raportin e saj vjetor të Parave të Pushimeve (Holiday Money Report), për të ndihmuar pushuesit të bëjnë zgjedhje të zgjuara të destinacioneve të pushimit.

Këtu janë tre vendet në Europë për një pushim ekonomik, si dhe shteti Europian që renditet si destinacioni më i shtrenjtë në botë.

Cilat janë destinacionet më të lira të pushimeve në Europë në vitin 2023?

Raporti i parave të pushimeve, i publikuar nga Post Office çdo vit, rendit destinacionet në mbarë botën për sa i përket përballueshmërisë financiare.

Lajmi i keq është se çmimet për ushqimin, pijet dhe ushqimet e tjera kryesore turistike janë rritur deri në 80% në mbarë botën.
Për të gjetur destinacionet më të lira në botë për vitin 2023, raporti krahasoi kostot e tetë artikujve kryesorë turistikë, duke

përfshirë kafenë, birrën, kremin e diellit dhe një vakt me tre pjata.

Marmaris i Turqisë – destinacioni më i lirë i pushimeve në Europë për vitin 2023

Për rrezet e diellit dhe vijën bregdetare, bregu i kaltër i Turqisë mirëpret.

Marmaris, një resort plazhi me ujë kristal, renditet si destinacioni më i lirë i pushimeve në Europë.

Destinacioni i famshëm bregdetar, zuri vendin e parë vitin e kaluar, por ka rënë në vendin e dytë në 2023, pavarësisht se lira turke është më e lirë.

Ashtu si shumë vende, çmimet janë më shumë se dyfishuar, që nga viti i kaluar, për shkak të inflacionit dhe një rritje prej 55% të pagës minimale të paguar në bare dhe restorante.

Mund të merrni një kafe për 1,65 €, një shishe birrë për pak më pak se 3,40 € dhe një vakt me tre pjata për dy persona për rreth 45,60 €.

Algarve e Portugalisë – ka kafenë dhe verën më të lirë

Nëse ju pëlqejnë pije të mira dhe të lira, Algarve i Portugalisë ofron vlerën më të mirë për paratë e shpenzuara.
Vendi u rendit si destinacioni më i lirë në Eurozonë, megjithëse çmimet janë rritur me një të tretën që nga viti i kaluar.

Megjithatë, vija bregdetare e formacioneve shkëmbore të thyer dhe shtëpive të bardha, krenohet me kafenë (0,92 €) dhe verën (2,06 €) më të lirë nga të gjitha destinacionet në mbarë botën.

Plazhi Sunny i Bullgarisë – më i miri për ushqime të lira

Në plazhin Sunny të Bullgarisë, buzë Detit të Zi, ngrënia dhe pirja janë gjithashtu të përballueshme.
Një filxhan kafe në resortin bregdetar kushton vetëm 1,09 €, ndërsa një shishe birrë është 2,18 €.

Sunny Beach është vendi më i lirë në Europë për një vakt me tre pjata. Ky është një lajm i mirë për udhëtarët, që kërkojnë të provojnë ushqimet e freskëta të detit.

Mos harroni të përfundoni darkën tuaj me një gotë raki, një raki bullgare e bërë nga fruta të fermentuara.

Reikjavik i Islandës – destinacioni më i shtrenjtë i pushimeve në vitin 2023

Në fund të renditjes në mbarë botën është Reykjavik në Islandë.

Kryeqyteti i arkitekturës moderne të mrekullueshme dhe pishinave gjeotermale, është një nga vendet më të shtrenjta për të ngrënë dhe pirë në Europë.

Reykjavik ka një skenë në lulëzim të birrës artizanale dhe një jetë nate plot gjallëri, por mbrëmjet jashtë mund të rëndojnë shumë në portofolin tuaj – një shishe birrë ose një gotë verë do t’ju kushtojë gati 10,25 €.

Nëse po mendoni të hani jashtë, përgatituni për një faturë prej rreth 156 € për një vakt me tre pjata për dy persona.