Jennifer Lopez dhe bashkëshorti i saj, Ben Affleck, thuhet se po shesin shtëpinë e tyre martesore prej 60 milionë dollarësh në Beverly Hills, Kaliforni, mes lajmeve rreth divorcit të tyre.

Burime i thanë “TMZ” se çifti po përpiqen të shesin shtëpinë që blenë së bashku majin e kaluar, duke e nxjerrë në faqe online por ende nuk ka pasur blerës. Gazeta raportoi gjithashtu se yjet e “Gigli” po kërkojnë “rreth 65 milionë dollarë” për rezidencën.

Lopez dhe Affleck thuhet se do të pësojnë një humbje financiare prej “miliona dollarësh” me shitjen, për shkak të komisionit të ndërmjetësit, “një takse e re mbi pronat super të shtrenjta, së bashku me paratë e konsiderueshme në rikontruksione”, sipas TMZ.

Lopez dhe Affleck e blenë shtëpinë prej 43,000 metrash katrorë me para për 60.85 milionë dollarë në maj 2023 – 10 muaj pasi u martuan në Las Vegas.

Shtëpia e sapondërtuar përmban 17 dhoma gjumi, 30 banja dhe parkim për 80 automjete.

Ajo përmban gjithashtu një kompleks sportiv të brendshëm, një bar sportiv, një dhomë pushimi në natyrë, një pishinë dhe parqe.

Shtëpia e tyre thuhet se ka dalë në treg teksa thashethemet se ata po shkojnë drejt divorcit vazhdojnë të përhapen.