Stina e verës ka mbërritur dhe me të edhe vapa. Ka shumë nga ata persona, të cilët e pëlqejnë verën për shumë arsye, por e “urrejnë” atë për sa u përket ushqimeve.

Kjo ndodh sepse nuk dimë se çfarë të hamë. Të hash supë apo gjellë të gatuar nga vetë mamaja, pas gjysmë ore të zë vapa. Të hash vetëm ushqime të ftohta, të zënë bajamet.Të hash shumë, je munduar gjithë dimrit për atë trup. Të hash pak, e ke mendjen tek ushqimi. Prandaj duhet gjetur një e mesme e artë. Kjo e mesme mund të krijohet fare mirë nga një kombinim ushqimesh, sa të mira, aq edhe të shijshme dhe të përshtatshme për këtë stinë.

Akullore

Në qoftë se ka një ushim, i cili i lajmëron njerëzit se “summer is here” është akullorja. Sot ka shumë mundësi të hash akullore të mira, të shijshme, por në të njëjtën kohë edhe të shëndetshme. Akullore pa gluten, akullore për persona, të cilët vuajnë nga sëmundja e diabetit, akullore dietike me përmbajtje të vogla sheqeri dhe ngjyruesish. Pra, nëse doni ta shijoni verën dhe të provoni shijen e saj, akullorja është ushqimi i duhur për ju.

Frutat, pjepër, avokado

Një ushqim i cili sot “të rrit” vlerat në shoqëri është fruti i avokados. Fruti i gjithë blogerëve, shoqëruesi i të gjitha pjatave në restorantet më me emër. Rekomandohet sidomos në stinën e verës, por shumë fruta të freskët në verë, të prodhuara në vend janë mëse të mirpritur. Pjepri është një prej tyre. Kush do të hajë në verë dhe të rëndohet…Askush.

Sallat e ftohta

Një nga ushqimet që po bëhet pjesë e çdo menuje, janë sallatat e ftohta. Sallata me fruta, sallata me ingridientë të nxjerrë direkt nga frigoriferi. Sallata të strukturuara me perime, por të shoqëruara edhe me fruta, të cilat përmbajnë freski brenda vetes. Dhe nëse do një ushqim, i cili të duket bukur ne instagram ( pasi sot ajo ka rëndësi ), një sallatë e vogël, e ftohtë, mund të marrë një “like” të madh.

Pastat e ftohta

Mbetemi tek të ftohtat. Kësaj rradhe do të flasim për pastat e ftohta. Ka shumë vende, të cilat e realizojnë këtë lloj paste në mënyrë fantastike. Janë akoma edhe më të mira në momentin që shoqërohen me salca të ndryshmë, të cilat e pasurojnë shijen e pjatës.

Granita

Ka një trend aq të shijshëm dhe aq freskues saqë këto të mësipërmet duhet të mundohen akoma edhe më shumë për të qënë në nivelin e saj. Në nivelin e “Granitës”. Një pije e përbërë nga akull i thërrmuar, me shije të ndryshme, është tamam shoqëruesi i të nxehtit të qytetit, por edhe i të nxhetit të plazhit. Pra, me këtë pije je i freskët në cdo moment.

Limonatë

Shkurt, pastër dhe qartë. Do të kesh një freskues gjatë verës, mos kërko më larg se një limonatë. E ftohtë, e shijshme, e kënaqshme për syrin ( dhe për instagramin), është një nga zgjedhjet e duhura që dikush mund të bëj këtë verë.

Drithërat

Në qoftë se ka diçka që të ngop, të ndihmon për të mos qënë i fryrë, për t’u holluar (e kush nuk do të rrijë i hollë gjatë verës), janë tasat me kombinime drithërash dhe frutash. Quhen ndryshe “pjata vegane”, pasi janë të përbërë nga kosi, frutat dhe drithërat. Janë të shijshme dhe ushqimi që të bën ty të ndihesh si një peronazh publik, pasi ky është ushqimi i showbizz-it. I nxirë nga dielli, duke ngrënë një kombinim të shëndetshëm drithërash, tavolina ngjitur me ty gjatë mëngjesit do të të kërkonte foto dhe autograf. Prandaj jepuni një shans edhe drithërave këtë verë.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.