Një nga problemet më të mëdha që vjen me ardhjen e vjeshtës është era e ftohtë që prek drejtpërdrejtë lëkurë.

Për shumë persona kjo mund të kthehet në një problem të vërtetë e të ndikojë në përditshmëri.

Në këtë artikull do të trajtojmë disa nga problemet më të zakonshme të cilat prekin lëkurën gjatë periudhës së vjeshtës.

Skuqja dhe tharja e lëkurës

Skuqja dhe çarja e lëkurës së duarve apo fytyrës gjatë periudhës së të ftohtit prek zakonisht gratë në moshë e veçanërisht ato që kanë lëkurë të thatë.

Për këtë simptomë ka shumë faktorë që mund të ndikojnë, jo vetëm i ftohti, por edhe ajri i nxehtë që vjen nga paisjet ngrohëse.

Gjithashtu lëkura nuk ka aftësinë të prodhojë ynyrë sa duhet me kalimin e moshës për t’i mbajtur duart tuaja të buta.

Një zgjidhje e shpejtë, por afatgjatë për këtë problem është të hidratoheni vazhdimisht pasi e ndihmoni lëkurën të rigjenerohet më shpejt.

Gjithashtu përdorni një krem hidratues me veti qetësuese për lëkurën tuaj të cilin mund ta gjeni në farmaci.

Thyerja e thonjve

Një në katër gra hasen me problemin e thyerjes së vazhdueshme të thonjëve.

Teksa plakeni, thonjtë si në duar ashtu edhe tek këmbët dobësohen duke ju krijuar probleme.

Duke u thyer me shpesh e duke u zbutur sa herë që lani duart, enët apo pastroni diçka.

Një tjetër arsye e shfaqjes së këtij problem është edhe ekstremiteti i motit.

Zgjidhja më e mirë për të parandaluar këtë problem është t’i mbaroni duart gjithnjë me doreza.

Mbani larg kimikatet dhe gjatë darkës mund t’i trajtoni me pak vaselinë.

Çfarë këshillohet?

1-Evitoni ujin e ngrohtë

Kur temperaturat bien jashtë, një dush i ngrohtë është gjithçka për të cilën këni nevojë, por jo gjithnjë kjo është e rekomandueshme.

Sipas ekspertëve uji shumë i ngrohtë mund ta thajë lëkurën dhe t’i largojë yndyrën natyrale duke shkaktuar tharje.

2–Përdorni produkte delikate

Të jeni delikat me lëkurën në këtë periudhë është shumë e rëndësishme.

Nuk mjafton vetëm hidratimi i mirë, por edhe vëmendja mbi çdo produkt tjetër që do të vendosni në lëkurë.

Sigurohuni që larësi, tualeti apo çdo krem tjetër që do të të jetë pa parfum, organik e pa kimikate të shtuara.

3-Bëni trajtime për fytyrën

Trajtimet për lëkurën e sidomos atë të fytyrës janë shumë të rëndësishme kur stinët fillojnë e ndryshojnë.

Mundohuni të përdorni shumë aloe vera, mjaltë apo trajtime të tjera qetësuese./AgroWeb.org