Kerala, shteti jugor në Indi ka mbyllur disa shkolla, zyra dhe transportin publik në përpjekje për të ndaluar përhapjen e virusit të rrallë dhe vdekjeprurës, Nipah, i cili deri më tani ka vrarë dy jetë.

Një i rritur dhe një fëmijë janë ende në spital dhe më shumë se 130 persona janë testuar për virusin, i përhapur përmes kontaktit me lëngjet trupore të lakuriqëve të natës, derrave ose njerëzve të infektuar, tha një zyrtar shtetëror shëndetësor, shkruan Reuters, transmeton KlanKosova.tv.

“Ne po fokusohemi në gjurmimin e hershëm të kontakteve të personave të infektuar dhe izolimin e kujtdo që ka simptoma”, tha Ministrja e Shëndetësisë e Shtetit, Veena George, e cila u tha gazetarëve se virusi i zbuluar në Kerala ishte varianti i Bangladeshit, i cili përhapet nga njeriu te njeriu me një shkallë të lartë vdekshmërie, por ka një histori më pak infektive.

Dy persona të infektuar kanë vdekur që nga 30 gushti në shpërthimin e katërt të shtetit të virusit që nga viti 2018, duke detyruar autoritetet të shpallin zona kontrolli në të paktën shtatë fshatra në rrethin e Kozhikode.

Ndërsa janë miratuar rregulla të rrepta izolimi, ku stafi mjekësor është në karantinë pas kontaktit me të infektuarit.

Një hetim i Reuters në maj identifikoi pjesë të Keralës si ndër vendet më të rrezikuara globalisht për shpërthimet e viruseve të lakuriqëve të natës. Shpyllëzimi dhe urbanizimi i gjerë i kanë sjellë njerëzit dhe kafshët e egra në kontakt të ngushtë.