Supermodelja Bella Hadid ka vendosur t’i kthehet punës pasi që po ndihet më mirë pas sëmundjes.

Modelja 26-vjeçare bëri një hap prapa nga karriera e saj në mënyrë që t'i nënshtrohej trajtimit për sëmundjen “Lyme” me të cilën u diagnostikua për herë të parë në vitin 2012, por ajo u zbuloi fansave të mërkurën se është kthyer në set për një punë të re.

Bella ndau një video në TikTok të cilën e sinkronizoi me këngën e Dave dhe Central Cee 'Sprinter' ndërsa ishte ulur në një karrige makijazhi me një bluzë të bardhë dhe pantallona të shkurtra.

Ajo në posim shkroi: ”Dita e parë e kthimit në set pas 5 muajsh”.

Rifreskimi i Bellës erdhi disa ditë pasi ajo meditoi për gjithçka që kishte kaluar me sëmundjen, duke pranuar se ajo është "më në fund e shëndetshme" përsëri.

"Falënderuese ndaj nënës time që mbajti të gjitha të dhënat e mia mjekësore, duke qëndruar pranë meje, duke mos më lënë kurrë vetëm, duke më mbrojtur, mbështetur, por mbi të gjitha, duke më besuar gjatë gjithë kësaj kohe.”- vazhdoi ajo.